டெல்லியில் இலங்கை அதிபர் மைத்திரிபால சிறிசேனாவை, பிரதமர் நரேந்திர மோடி சந்தித்தார்

டெல்லியில் இலங்கை அதிபர் மைத்திரிபால சிறிசேனாவை, பிரதமர் நரேந்திர மோடி சந்தித்து இரு நாடுகளுக்கிடையே உறவை வலுப்படுத்துதல், வளர்ச்சியில் முன்னேற்றம் காணுதல் உள்ளிட்ட பல்வேறு வி‌ஷயங்கள் குறித்து ஆலோசனை

TAMIL DAILY MIRROR

புதுடெல்லி, 

டெல்லியில் சர்வதேச சூரிய சக்தி கூட்டமைப்பு மாநாடு நடைபெற்றது. இதில் பங்கேற்க வந்த இலங்கை அதிபர் மைத்திரிபால சிறிசேனாவை, பிரதமர் நரேந்திர மோடி சந்தித்து ஆலோசனை நடத்தினார்.

இரு நாடுகளுக்கிடையே உறவை வலுப்படுத்துதல், வளர்ச்சியில் முன்னேற்றம் காணுதல் உள்ளிட்ட பல்வேறு வி‌ஷயங்கள் குறித்து இருவரும் ஆலோசித்தனர். இது அண்டை நாட்டுடன் உறவை வலுப்படுத்துவதாக அமைந்துள்ளது என மத்திய வெளியுறவு துறை அமைச்சக செய்தித்தொடர்பாளர் ரவீஷ் குமார் குறிப்பிட்டு உள்ளார்.
TAMIL DAILY MIRROR


இதேபோல் வங்காளதேச அதிபர் அப்துல் ஹமீது, துபாய் பட்டத்து இளவரசர் ஷேக் ஹமீது பின் சையத் பின் அல் நக்யான் ஆகியோருடனும் வர்த்தகம், நிதி, எரிசக்தி, உணவு பாதுகாப்பு உள்ளிட்டவை குறித்து பிரதமர் மோடி ஆலோசனை நடத்தியதாக ரவீஷ் குமார் தெரிவித்துள்ளார்.மேலும் ஐக்கிய அரபு அமீரகம், கயானா, சோமாலியா, மாலி, ருவாண்டா உட்பட ஒட்டுமொத்தமாக 10 நாடுகளைச் சேர்ந்த தலைவர்கள் பிரதமர் மோடியை சந்தித்துப் பேசினர்.தில்லிக்கு வந்த சிறீசேனா, ஜனாதிபதி ராம்நாத் கோவிந்தை சந்தித்துப் பேசினார். அப்போது சிறீசேனா தலைமையில் இலங்கை-இந்தியா இடையேயான உறவும், இலங்கை-தெற்காசிய பிராந்திய நாடுகளுக்கு இடையேயான உறவும், இலங்கை-சர்வதேச நாடுகளுக்கு இடையேயான உறவும் வலுப்பட்டிருப்பதாக ராம்நாத் கோவிந்த் பாராட்டினார். சுற்றுச்சூழலுக்கு பாதிப்பு ஏற்படாமல், பொருளாதார வளர்ச்சியை உறுதிப்படுத்தும் வகையில் சிறீசேனா செயல்படுத்தி வரும் தொலைநோக்கு திட்டத்துக்கும் ராம்நாத் கோவிந்த் தனது பாராட்டை தெரிவித்தார். இந்தத் தகவல் ஜனாதிபதி மாளிகை வெளியிட்ட செய்திக் குறிப்பில் தெரிவிக்கப்பட்டுள்ளது.
TAMIL DAILY MIRROR

திருச்சி எம்.கே. ஷாகுல் ஹமீது